--Ads--
VIGAN CITY- Pinaglibakan ni Undersecretary for Barangay Affairs Martin Diño nga agpulpulitika ti Department of Interior and Local Government (DILG) iti panangiparuwar da ti listaan dagiti pulitiko nga adda koneksyon na iti panagraira ti iligal a droga ditoy pagilian.
Segun ken ni Diño babaen iti pannaki-uman kenkuana ti Bombo Radyo Vigan, ita a panawen ti eleksyon iti kapintasan a tiyempo tapnu iruwar ti nasao a listaan tapnu makapagnunut dagiti tattao nu ibotos da pay dagiti pulitiko nga adda nagan na iti narco-list nu bilang agpapili da inton midterm election.
Inpaganetget na nga obligasyon ti DILG nga iruwar ti listaan iti aniyaman nga oras kas paset iti mandato da a mangimanehar kadagiti local government units ditoy pagilian.
