VIGAN CITY – Impalubos ti Department of Interior and Local Government ti panagaramat ti light uniforms kadagiti kameng ti Philippine National Police (PNP), Bureau of Jail Management and Penology (BJMP) ken Bureau of Fire Protection (BFP) kagiddan ti nangato a heat index iti agduduma a paset iti pagilian.
Iti imbasa ni Interior and Local Government Secretary Benhur Abalos Jr. ti DILG urgent memorandum a mangbilin kadagiti hepe iti tallo nga ahensya a mangiruar ti advisories iti uniform attire.
Segun ken ni Abalos, gagemda a relax ti working conditions dagiti uniformed personnel iti baet ti nangato a heat index a marikrikna ita iti pagilian gapu ti El Niño phenomenon.
Inyunay-unayna a ti pagsayaatan dagiti uniformed personnel iti maipangruna para ti panangipatungpal ti akemda ta adu ti peggad bayat ti panagtrabahoda.
