Nagpalagip ti Department of the Interior and Local Government (DILG) kadagiti amin nga opisial ken empleado a maiparit ti panagkiddaw iti regalo, pabor ken kuarta bayat ti pannakaipatungpal ti trabahoda.
Dayta ket kalpasan a nakaawat ti ahensia kadagiti report nga adda dagiti DILG personnel a mangar-aramat iti posisionda tapno agkiddaw iti regalo, kuarta wenno pabor manipud kadagiti pribado nga indibidual, ahensia ti gobierno, ken Local Government Units (LGUs).
Segun iti DILG, daytoy nga aramid ket panaglabsing iti Section 7 ti Republic Act No. 6713 wenno Code of Conduct and Ethical Standards para kadagiti Public Officials and Employees, a mabalin nga agresulta iti pannakaikkat iti serbisio.
Asino man a manglabsing iti linteg ket mabalin a maibalud agingga iti lima a tawen ken agmuelta iti ₱5,000.
