Nagpanawagan ni Department of the Interior and Local Government Secretary Jonvic Remulla kadagiti local government unit nga ipatungpal ti regulasyon iti firework kas panagsagana iti New Year’s Eve celebrations, ta gagemda a maksayan dagiti firecracker-related injuries.
Segun iti DILG, nasket nga ingetan dagiti LGU ti panagaramat iti paputok kadagiti community fireworks display a nakaala iti permit ken mangiwayat iti public awareness campaign iti kampanya inaig iti peggad nga ipaay ti maiparit a firework.
Binilin pay ti ahensia ti Bureau of Fire Protection a siguradoenda a dagiti designated fireworks display zones ket sumursurot iti Republic Act No 5914, wenno ti Fire Code of the Philippines.
Nabilin pay met ti Philippine National Police a kumpiskaren ken dadaelen dagiti iligal a paputok tapno malilklikan ti pannakaaramarna.
Inallukoy ti DILG ti publiko a liklikanda ti aggatang kadagiti iligal wenno makasabidong a firework, no di ket aramaten laengen dagiti alternatibo kas kadagiti recycled container, tayab, ken dadduma pay a household item tapno agpataud iti uni.
