--Ads--
Impangaton ti Department of the Interior and Local Government iti P20 million ti gungona para iti impormasion a mangitunda iti pannakakemmeg ni Atong Ang.
Segun ken ni Interior Secretary Jonvic Remulla, ti pondo ket naggapu iti confidential funds ti Philippine National Police ken DILG.
Ti pannakaiwaragawagna ket kasaruno ti pannakairuar ti maysa pay a warrant of arrest kontra ken ni Ang manipud iti Regional Trial Court Branch 29 idiay San Pablo, Laguna mainaig iti kaso dagiti mapukpukaw a sabungero.
Immunan a nangiruar iti warrant of arrest dagiti korte iti Sta. Cruz, Laguna ken Lipa, Batangas kontra ken ni Ang ken dadduma pay nga akusado iti isu met laeng a kaso.
-- ADVERTISEMENT --
