--Ads--
Im-imbestigaranen ti Department of Interior and Local Government ti mapapati a pannakaitantan iti panangsungbat iti 911 emergency call kalpasan a nagwaras ti social media post ni Basti Askri.
Segun ken ni Askri, nakurang 10 a minutos isuna a timmawag tapno agpaarayat gapu iti amana a naatake, ngem idi adda simmungbat ket pinagurayda idinto a mangmangngegna nga adda agkakatawa ken agiinnistoria iti background.
Idi simmangpet ti ambulansia, kunana a kurang daytoy iti napateg nga alikamen kas ti AED, isu a pamiliana mismo ti nangaramid iti CPR, ngem natay met laeng ti amana.
Kinumpirmaran ni DILG Secretary Jonvic Remulla nga im-imbestigarandan ti pasamak, agraman ti mapapati a nabuntog a 911 response ken kinakurang ti alikamen iti ambulansia.
-- ADVERTISEMENT --
