--Ads--
Pinasingkedan ni Interior Secretary Jonvic Remulla a kukua idi ni Department of Public Works and Highways Usec Maria Catalina Cabral ti hotel a napananna idiay Benguet sakbay a natay.
Segun ken ni Remulla, inlako ni Cabral ti hotelna ita a tawen iti maysa a managan iti Eric Yap.
Innayon ni Remulla nga adda relasion iti negosio da Cabral ken Yap, nangruna ta dimmalan iti opisina ni Cabral ti proyekto ti rock netting idiay Tuba, Benguet, a ni Yap ti supplier ken contractor.
Kabayatanna, nangiruar ti korte iti search warrant kontra iti nasao a hotel tapno makaala kadagiti ebidensia kalpasan a nagkedked ti management a mangted iti access iti CCTV footage ken dadduma pay a dokumento mainaig iti panagtalinaed ni Cabral iti hotel.
-- ADVERTISEMENT --
