--Ads--
Nagpanawagan ni Presidente Ferdinand Marcos Jr. nga aramiden a nasayaat ti panangipaay ti fuel subsidy para kadagiti driver ken operator, pakairamanan ti panagusar ti digital payment systems.
Impaganetget ni presidente Marcos daytoy bayat nga indauloan na ti panangipaay ti P10, 000 fuel subsidy tunggal bus unit iti Parañaque Integrated Terminal Exchange (PITX) ket umabot iti duapulo ket pito a bus operators nga adda kabuklan a 1, 096 unit ti nagunggonaan ti tulong.
Kinarit ti presidente dagiti operator ken driver a makitinnulong iti gobierno tapno maikkatan ti epekto ti panagngato ti presio ti produkto petrolyo kadagiti commuter.
Nakatuding a marugyan ti nationwide rollout ti P10, 000 fuel subsidy inton Abril 6.
-- ADVERTISEMENT --
