--Ads--
Binallaagan ni Department of Information and Communications Technology (DICT) Secretary Henry Aguda dagiti sumagmamano a messaging ken online shopping app a mabalin a ma-ban no saanda nga ikkaten dagiti gambling content iti platapormada.
Segun ken ni Aguda, umak-akar dagiti online operator iti messaging ken online shopping apps kas ti Telegram ken Viber a posible a maaramat para iti online illegal gambling.
Basar iti DICT, nasurok 8,000 gambling sites iti naipaikkaten ngem adda latta dagiti sumagmamano a platforms, sites ken links nga aramaten dagiti tattao.
Impasigurado ti ahensia a mangirusatda iti solusion iti kabiitan a panawen tapno labanan ti agtultuloy a panagsaknap ti online gambling.
-- ADVERTISEMENT --
