Makitinnulong ti Department of Information and Communications Technology kadagiti artificial intelligence providers tapno mapasardeng ti posible a panagwaras dagiti deepfakes, a mabalin a mausar a mangimpluensia iti 2025 midterm elections.
Segun ken ni DICT Secretary Ivan John Uy nga ammo ti gobierno ti peggad dagiti deepfake wenno imahe, audio ken video a na-edit wenno napataud babaen ti artificial intelligence.
Nagpalagip dagiti eksperto kadagiti deepfakes a ti clone images, video ken timek dagiti politiko ket mabalin a mangallilaw kadagiti botante sakbay ti eleksion.
Segun kenni Uy, maysa a wagas tapno makita dagitoy a deepfake, ket ti pannakaikabil dagiti watermark tapno maipakita a na-edit ti ladawan wenno video.
Immun-una nga imbaga ti Commission on Elections a maki-coordinate da iti DICT tapno ti police tech-driven schemes a mabalin a mangdadael iti umay nga eleksion wenno mangmanipula kadagiti botante.
Kabayatanna, adda P10 million ti inlatang ti DICT para iti tinawen a subscription iti maysa nga aplikasion a mabalin a makatulong iti gobierno iti panangmonitor ken panangduktal iti fake content online.
