Mangipatungpal ti compressed workweek ti Department of Human Settlements and Urban Development manipod April 13 agingga 17, 2026 kas tignay iti maipatpatungpal nga energy crisis iti pagilian.
Maibasar iti pakaammo ti ahensia iti official page, ti addang ket kasaruno ti Memorandum Circular 114 a mangap-aprubar iti four-day onsite work arrangement iti sumagmamano nga opisina iti gobierno.
Iti salinong ti baro nga schedule, silulukat ti central ken regional offices iti DHSUD manipod alas syete iti bigat agingga alas sais iti rabii iti April 13 agingga 16.
Manipod April 17, skeletal workforce laeng ti naka-duty iti ahensya iti oras iti alas otso iti bigat agingga alas singko iti malem.
Binalakadan ti ahensya dagiti kliyente ken stakeholder nga i-schedule a nasayaat ti panagbisitada ken transaksyon iti naituding nga oras iti operasyon.
