Pormalen a nangipila ti Department of Foreign Affairs ti diplomatic protest kontra iti China mainaig ti racist depiction dagiti Pilipino kadagiti serye ti opinion videos ken editorial cartoons nga impablaak ti state-run newspaper ti China Daily.
Daytoy ket gapu ti inruar nga AI-generated video iti facebook ti China Daily a nangipakita kadagiti Pilipino kas sunggo.
Segun iti DFA, immuna nga indatag ni Foreign Affairs USec. Leo Herrera-Lim ti nadakamat nga isyu direkta ken ni Chinese Ambassador Jing Quan ket imbilin na nga ikkaten ti nadakamat nga offensive materials.
Pinasingkedan ni Lim iti Chinese envoy a saan a maitunos ti nadakamat a content iti manamnama a mutual respect iti nagbaetan ti dua a pagilian ken awan ti maited na a nasayaat iti bilateral relations-da.
Innayon ti DFA a nangipila da ti diplomatic protest gapu ta naglabes ti China Daily ti lehitimo a political discussion ken maibilang daytoy a panang-bastos kadagiti Pilipino.
