--Ads--
Pagan-annaden ti Department of Foreign Affairs dagiti Pilipino nga agplamplano a mapan idiay Indonesia ken pagpanunotanda a naimbag ti panagbiaheda gapu iti protesta a mapaspasamak nangruna idiay Jakarta.
Nagtaud ti protesta gapu iti panagpungtot dagiti umili iti gakat a monthly allowance para kadagiti miembro ti parliamento.
Kimmaro ti tension kalpasan ti pannakatay ti maysa a motorcycle taxi driver a dinungpar ti police vehicle kabayatan ti rally.
Nasurok-kumurang innem a ribo a Pilipino idiay Indonesia, ken 1,800 idiay Jakarta, kaaduan ket propesyonal kas dagiti mangisursuro ken inhinyero.
-- ADVERTISEMENT --
Awan pay ti naireport a Pilipino a nairaman iti riribuk, ngem nabalakadan ida a liklikan dagiti lugar ti protesta ken agalerto.
