Siguradoen ti Department of Foreign Affairs (DFA) a nakamonitor ti Philippine Embassy idiay Tokyo iti developments iti magnitude 7.5 a ginggined iti northeast coast iti Japan.
Iti agdama ket awan pay iti naawat a report iti Embahada maipanggep iti posible a Pilipino a naapektaran iti ginggined.
Agtitinnulongen payen ti Philippine Embassy ken ti Migrant Workers Office idiay Tokyo tapno matignayan ken maammoan iti kasasaad dagiti Pilipino a posible a maapektaran iti didigra.
Karaman iti pito a prefectures nga apektado iti northern Japan iti Hokkaido, Aomori, Iwate, Myagi, Akita, Yamagata, ken Fukishima.
Mapatta-patta a 13,000 a Pilipino iti agnanaed iti nasao a prefectures.
Binalakadan met ti Philippine Embassy dagiti Pilipino iti nasao a lugar nga agtalinaed nga alerto.
