--Ads--
Nagballaag ti Department of Foreign Affairs kontra kadagiti agpampammarang nga opisial ti ahensia ken makikamkammayet iti publiko agraman dagiti ahensia ti gobierno.
Maibasar iti advisory, nagpammarang dagitoy a da DFA Assistant Secretary Emmanuel Donato Guzman ken Jay Guzman, ken agar-aramid iti saan nga otorisado nga email, mensahe, ken tawag babaen iti nagan ti foreign affairs department.
Saanen a nangted ti DFA iti detalye mainaig iti linaon wenno gagem ti nasao a komunikasion.
Inallukoy met ti ahensia ti publiko nga agridam ken ireport dagiti kas iti isu met laeng nga insidente.
-- ADVERTISEMENT --
