Kinumpirmaran ni Foreign Affairs Undersecretary Eduardo de Vega nga innem a pulo ket siam a Pilipino iti nakakustodiya ita iti US Immigration and Customs Enforcement wenno ICE kagiddan ti crackdown operations nga ipatpatungpal ti US Government.
Dagiti Pilipino a nalapdan nga agsubli idiay Amerika ket nagbakasyon laeng ngem saanen a pinastrek iti Estados Unidos.
Siguradoen ni De Vega nga ipapaay ti legal assistance ti Philippine government dagiti Pilipino a nakakustodiya iti US ICE.
Inlawlawag ni De Vega a dagiti duapulo ket walo a Pilipino a nakemmeg ken impa-deport iti US ICE ket saan a karaman a naipatulod iti third country wenno dadduma pay a pagilian kas iti El Salvador.
Inlawlawag ti DFA nga amin a napa-deport a Pilipino ket nakasublin iti Pilipinas.
