Kinumpirmaran ti Department of Foreign Affairs (DFA) nga awan ti Pilipino a natay iti tour bus crash a napasamak idiay New York.
Segun ti New York State Police, amin a pasahero iti bus ket nabigbigen ken napakaammoanen dagiti kameng ti pamiliada.
Ti tourist bus ket nagluganan iti limapulo ket uppat a pasahero a kaaddoan ket manipod India, China ken Pilipinas nga agsubli koman idiay New York City manipod Niagara Falls idi naaksidente ken nagbaliktad.
Kaaddoan a pasahero a naipan kadagiti ospital ket nakaruaren ket nabigbig dagiti otoridad dagiti lima a natay.
Dagiti biktima ket da Shankar Kumar Jha, agtawen iti innem a pulo ket lima a taga-Madhubani, India; Pinki Changrani, agtawen iti innem a pulo a taga-East Brunswick, New Jersey; Zhang Xiaolan, agtawen iti limapulo ket lima; ken Jian Mingli, agtawen iti limapulo ket innem nga agpada a taga-Jersey City, New Jersey; ken Xie Hongzhuo, agtawen iti duapulo ket dua manipod Beijing.
