--Ads--
Kinondenar ti Department of Foreign Affairs ti inruar nga AI-generated video ken editorial cartoons ti China Daily mainaig iti 2016 South China Sea Arbitral Award.
Iti maysa nga statement, impaganetget ti DFA a kas maysa nga state-run media outlet ti China, ti inaramid ti China Daily ket limmabes iti limitasion ti lehitimo a pampulitika a debate ken nagbalin a racist iti panangiladawanda kadagiti Pilipino.
Kangrunaan a dinakamat ti ahensia ti maysa a video a nairuar idi Hulyo 10 a dagiti Pilipino ket nailadawan kas sunggo.
Inyunay-unay ti ahensia a numan pay kanayon a kontraen ti Pilipinas ti madi a naratibo iti arbitral ruling ken iti posisionna iti West Philippine Sea, ket saan a nasken a maawat ti panagaramat iti kastoy a klase ti imahe.
-- ADVERTISEMENT --
