--Ads--
Imbayog ti Department of Foreign Affairs (DFA) ti alert level 3 idiay Israel ken Iran.
Ti addang ket mangipasimudaag ti voluntary repatriation gapu iti kumarkaru a tensyon idiay Middle East.
Naallukoy amin nga overseas Filipinos iti dua a pagilian nga agsublin iti Pilipinas.
Umabot iti 30,000 a Pilipino iti agtrabtrabaho idiay Israel a kaaddoan ket caregiver idinto a nasurok 1,000 met iti adda idiay Iran.
-- ADVERTISEMENT --
Segun ti DFA, siasinoman nga OFW nga interesado nga agbiahe ket mabalin a makikammayet ti embahada tapno makaawidda iti pagilian.
Maipalagip a manon a lawas iti panagpinnabanto iti missile ti Iran ken Israel a gappuanan ti pannakaapektar dagiti adu a sibilyan.
