--Ads--
Impasigurado ti Department of Foreign Affairs nga awan ti Pilipino a nadangran iti nagsasaruno a pannakaraut ti maysa nga American facility iti Baghdad International Airport idiay Iraq.
Dayta ket kasaruno ti panangkumpirma ti maysa nga Iraqi security official a 8 nga agsisina a daras a naraut babaen kadagiti rocket drone ti United States diplomatic logistic center iti nasao nga airport idi Domingo.
Segun iti DFA, inyatiddug ti Civil Aviation Authority ti Iraq ti panagrikep ti airspace-da agingga Marso 25, iti alas dose ti tengnga ti aldaw.
Intantan pay laeng met ti Iraqi Airways dagiti amin a flight-da agingga Abril 2.
-- ADVERTISEMENT --
