Awan ti parikot iti Department of Foreign Affairs (DFA) ti postponement iti pre-enrollment period para ti online voting ken counting system.
Imbes a March 10 ket naiyakar ti schedule iti March 20 tapno masigurado ti smooth process para ti initial implementation iti online voting ken counting system.
Segun ti DFA, ti pangngeddeng ti Commission on Elections ket mangipasimudaag ti commitment a salakniban ti integridad iti elections overseas.
Namnamaen ti departamento a ti pangngeddeng ti Comelec iti postponement ket mangsigurado a ti online voting ken counting system ket makapasa iti amin a testing ken certification a masapul iti Republic Act 9369, ti Election Automation Law of 2007, sakbay iti pannakarusatna.
Nakasagana ti DFA iti panangimplementar ti online voting ken counting system apaman nga ibilin ti Comelec ken agtalinaed a resolute ken committed iti pananggun-odda ti mandato iti panangidaulo ti panagbotos dagiti Filipino overseas voters.
Ti overseas voting period ket nakaituding inton April 13 agingga May 12.
