Dandani nga agipaulog ti Department of Justice (DOJ) ti desision maipapan iti Php100 milion money laundering case kontra ken ni dati a mayor ti Bamban, Tarlac a ni Alice Guo.
Nalpasen ti hearing ti DOJ panel of prosecutors iti 87 counts of money laundering case kontra ken ni Guo ken dagiti 35 a co-respondents, mainaig iti anomalous transaction ti Philippine Offshore Gaming Operator (POGO) iti Zun Yuan Technology, Inc. idiay Bamban.
Segun ken ni DOJ Senior Assistant State Prosecutor Charlie Guhit, head ti panel, nakaipasan da Guo, ti kabsatna a ni Shiela, Cassandra Li Ong, ken dadduma pay ti counter-affidavit-da.
Impasigurado ni Guhit a dagus nga iruarda ti desision iti nasao a kaso.
Kabayatanna, nagdesisyon ti sumagmamano a Chinese respondents a saanda nga ag-file iti counter-affidavits ket ipaimada ti desision iti DOJ.
Saan met a nangipasa iti counter-affidavit ti dati a director general ti Technology Resource Center (TRC) a ni Dennis Cunanan.
Ti DOJ iti agdesision kas maibasar kadagiti ebidensia ken supporting evidence a naurnong iti imbestigasion.
