--Ads--
Iururay ni Governor Ryan Singson ti desisyon ti dua a siudad ken dadduma nga LGU ti probinsya no maipaatiddog iti maipatpatungpal a Modified Enhanced Community Quarantine.
Iti panagsarita ti gobernador iti programa a Ryanniag ti Bombo Radyo Vigan, sakbay nga agaramidda iti executive order ket masapol da iti desisyon ni Mayor Juan Carlo Medina kenni Mayor Ericson Singson no ania iti maipatungpal a community quarantine classfication kasta pay dagiti dadduma a lugar a nangato iti kaso da ti COVID19.
Maipalagip a May 29 iti pannakaileppas ti MECQ ti Candon ken inton June 5 ti Vigan City.
Agtultuloy met iti panangallukoy ni Singson kadagiti umili a sumurot kadagiti maipapatungpal a health protocol tapno maliklikan iti panagwaras iti COVID19 virus.
-- ADVERTISEMENT --
