VIGAN CITY– Nainget a pinaglibakan ni SP04 Arnold Doria, deputy chief-of-police ti Bantay Municipal Police Station (MPS), nga agsugsugal idi tiniliwda iti galyeraan idiay ili ti Caoayan, Ilocos Sur idi Domingo Sabet.
Segun kenni P/Chief Insp. Edgardo Medrano, hepe ti Bantay-MPS, inlawlawag kenkuana ni SP04 Doria a napan laeng nagsingir isu nga adda didiay.
Inpagantget ni Medrano a saan a nagkurang iti pammagbaga kadagiti adda iti babaen na a saan da a mapan kadagiti pagsusugalan kangrunaan kadagiti galyeraan .
Immunan nga inbaga ni Regional Director PCSupt. Romulo Sapitula, regional director ti Police Regional Office (PRO)-1 , a pagbantayen ken pagbilangen na ti kayo ni Doria idiay regional headquarters kas paset iti panangdisiplina kadagiti pulis a kas kenkuana.
