VIGAN CITY– Nangrugi ti deputization of transportation regulation officers seminar idiay University of Northern Philippines idi kalman kas paset ti pannakaipatungpal ti provincial ordinance a mangbukel ti Task Force “ Bantay Kalsada” iti probinsya.
Segun kenni Gov. Ryan Singson , adun ti natay iti aksidente gapu iti saan a panagsurot ti road safety ken kaawan ti disiplina a mangtungpal kadagiti linteg iti trapiko ta idi 2017 ket 702 dagiti natay ken nasurok 14 -K dagiti nadonor idinto a manipud Enero agingga Hunyo iti agdama a tawen ket 41 ti natay idinto a 226 dagiti nadonor.
Para kenni PS/Supt. Clint Bayacsan, provincial director ti Ilocos Sur Police Provincial Office (ISPPO) ket naipangato ti morale dagiti kapulisan iti pannakadeputise da kas transportation regulation officers ta maaramid da ti mandato da nga ipatungpal ti linteg ket inkari na nga aramiden da daytoy a patas ken napnuan disiplina.
