VIGAN CITY – Anamungan ti maysa a Pilipino idiay Kuwait ti pannakaipatungpal ti deployment ban iti nasao a pagilian kasaruno iti naranggas pannakapapatay ti maysa nga Overseas Filipino Worker.
Iti pannaki-uman ti Bombo Radyo Vigan ken ni Bombo International News Correspondent Mae Ortiz, maysa a kameng ti Association of Filipino Organization idiay Kuwait, nu adda man deployment ban ket mabalin nga isayangkat kadagiti household worker ta isuda a kanayon a mabibiktima ken saan a makitkita nu nasayaat ti kasasaadda.
VC – BINC MAE ORTIZ
Inyunay-unay ni Ortiz a rumbeng a panunoten a nalaing nu mapan iti kas iti pagilian ti Kuwait ta masapul a natibker iti nakem nu agtrabaho iti nasao a pagilian kangrunaan ni household worker ta naidum-duma iti tradisyonda ta nainget iti pagannurotanda.
Innayonna a saan a masursurot iti siam nga oras a panagtrabaho dagiti OFW iti nasao a lugar kangrunaan nu adda iti aywanda nga ubbing isu a nasaysayaat a sayaaten ti agbalin a pangngeddengda.
VC – BINC MAE ORTIZ
