--Ads--
VIGAN CITY- Mangidiaya ti psychosocial intervention ti Department of Education para kadagiti personnel ti ahensya nangruna dagiti mangisursuro nga apektado ti panagduprak ti Bagyo Ompong.
Segun kenni Dep ed Undersectretary Tonisito Umali, napateg a tutukan da dagiti teaching personnel tapnu mapatibker ti pakinakem da kalpasan ti didigra ta no saan da a maisagana , nangruna iti emosyonal ket saan da a maakem ti obligasyon da a tarabayen dagiti estudyante a biktima met laeng ti bagyo.
Malaksid ti psychosocial intervention, adda pay ti financial assistance nga ited ti gobierno para kadagiti nadadaelan ti pagtaengan kas paset ti protocol nu adda dagiti saan a napintas a pasamak iti biyag dagiti mangisursuro.
