Impasigurado ti Department of Education a tulonganda dagiti estudyante, pamilia ken school personnel a naapektaran iti pammaltog idiay Banga National High School idiay Banga, South Cotabato.
Segun iti DepEd, kinondenar ti DepEd ti pasamak ken nakipagladingitda kadagiti biktima, pamiliada ken iti intero nga school community.
Addan iti lugar dagiti opisial tapno tumulong kadagiti biktima ken makikammayet kadagiti lokal nga otoridad ken law enforcement agencies para iti imbestigasyon iti insidente.
Kabayatanna, dagus a naideploy ti intervention teams a mangted iti psychological first aid ken dadduma pay a mental health support kadagiti estudyante, pamilia, ken school staff a naapektaran iti pammaltog.
Inallukoy pay ti ahensia ti publiko nga agbalin a responsable iti panangipaay ti impormasion ken liklikanda ti agiwaras ti saan a beripikado nga statement wenno ladawan a mabalin a mangnayon iti trauma dagiti biktima ken ti pamiliada.
