--Ads--
Target ti Department of Education a maproseso ti nasurok 100,000 a promotion dagiti mangisursuro ken school heads ita a tawen.
Dayta ket tapno masulbar ti nabayagen a parikut iti nabuntog a promotion iti pampubliko a pagadalan.
Segun ken ni Sonny Angara, paset daytoy iti Expanded Career Progression System a mangpapaalisto iti proseso ti promosyon babaen iti panangkissay kadagiti delay iti bureaucracy ken saan laeng a nakaibasar iti bakante a posision ti promosyon, no di ket pati iti training, professional development ken years of service dagiti mangisursuro.
Gagem ti reporma a mapadaras ti career advancement dagiti mangisursuro kas paset kadagiti panagbalbaliw iti edukasion iti salinong ti administrasion ni Presidente Ferdinand Marcos Jr.
-- ADVERTISEMENT --
