Nakigtut ni Department of Education (DepEd) Secretary Sonny Angara nga adda dagiti laptop ken libro a naidulin iti bodega ti departamento iti uppat a tawen.
Saan nga ammo dagiti dadduma nga opisial ti nasao nga ahensia no kasano a nagastos ti dati a mangidaulo ti departamento a ni Bise Presidente Sara Duterte ti P112.5 milion a confidential funds ti DepEd.
Iti hearing ti House Appropriations Committee iti P793 billion budget request ti DepEd para iti 2025, kinuna ni Angara nga agarup 1.5 million items ti equipment ken tools a pakairamanan dagiti laptop ken libro ti adda iti bodegada manipud idi 2020.
Ngem numan pay kasta, ikagumaanda nga iruar dagiti nasao a gamit tapno mausar ken saan a madadael.
Kabayatanna, segun ken ni DepEd Undersecretary Annalyn Sevilla, saan nga ammo ti Finance department ti departamento no ania ti nakausaran ti confidential and intelligence fund wenno no kasano a nagastos daytoy idi 2023.
Iti sabali a bangir, pinasingkedan ti Sevilla a nangiruarda ti P112.5 billion iti uneg ti tallo a quarters ken nairekord kas liquidated, ngem saan a naproseso ti naudi a kuarter gapu ta awanen ti request ti dati a sekretario ti departamento.
