Mamati ni Department of Education Secretary Juan Edgardo “Sonny” Angara a panawenen tapno ikkan importansya dagiti state university administrators ken ti gobierno ti panangipatungpal iti libre a matrikula iti kolehio kadagiti marigrigat a nasisirib nga estudiante tapno maituloyda ti panagadalda.
Segun ken ni Sec. Angara, adu dagiti nasirib nga estudiante a saanda a naituloy ti panagadalada iti kolehio gapu iti parikut iti pinansial.
Inlawlawag ti opisial a ti panangted ti subsidiya ket para laeng kadagiti deserving student ket saan a para kadagiti nabaknang nga estudiante a kabaelanda met ti agadal iti kolehio.
Innayonna a saan a nasken nga isubsidize dagiti nabaknang nga estudiante ta kabaelanda met a gastusan ti panagadalda ngem uray ti University of the Philippines a libre ket adu dagiti baknang nga estudiante nga agad-adal a mailatang laeng koma kadagiti marigrigat.
