--Ads--
Pinaglibakan ti Malakanyang iti agwarwaras a damag a posible a maikkat iti puesto da Department of Education (DepEd) Secretary Sonny Angara ken Department of Information and Communications Technology (DICT) Secretary Henry Aguda.
Segun ken ni Palace Press Officer Claire Castro, awan ti balasaan a napasamak iti gabinete ni Pres. Ferdinand Marcos Jr. ta dimmar-ay ken personal pay nga impresentarda dagiti proyekto iti LEDAC meeting.
Innayon ni Castro a kuntento ti presidente iti performance dagiti sekretaryo kangrunaan ket agsasaruno dagiti sangsangwen a didigra ken dadduma a parikot iti pagilian.
Siguradoenna nga agingga adda iti puesto dagiti opisyal ket agtalinaed a sibubukel ti talek ken suportar ti presidente kadakuada.
-- ADVERTISEMENT --
