Pokusan ti Department of Education ti mangsanay kadagiti agad-adal tapno maaddaanda iti kiritikal a panagpanunot, imbes a surwan ida nga agikabesa kadagiti pagadalan.
Dayta ket tapno masungbatan ti functional illiteracy kadagiti Pilipino nga agad-adal kalpasan ti panangibutaktak ti Philippine Statistics Authority iti hearing iti Senado a nasurok 19 million a graduates iti Senior ken Junior High School idi 2024 ti saan a maibilang a ‘Functional Literate’, kayatna a sawen, marigatan dagiti agad-adal a mangawat iti maysa a simple nga estoria.
Segun ken ni Education Secretary Sonny Angara, tutukanda ti parikut babaen kadagiti intervention ti DepEd, manipud iti remedial and literacy programs agingga iti naep-epektibo a panangaramat kadagiti record iti kada pagadalan.
Pabilgenda pay ti teaching ken assessment methods-da ta imbes a surwan nga agikabesa ket patanurenda dagiti estudiante nga agbalin a critical thinkers ken maaddaan iti 21st century skills.
