Plano ti Department of Education a kissayan ti school forms ken reports tapno lumag-an ti administrative task dagiti mangisursuro kadagiti pampubliko a pagadalan ket mapokusanda ti agisuro.
Segun iti DepEd, 57 percent manipud iti 174 school forms ti maikissay a paperwork dagiti mangisursuro iti salinong ti baro a pagannurotan.
Kasapulan laengen dagiti mangisursuro ti mangkompleto iti lima a form, ngem mabalinda a leppasen ti 31 form para iti teacher ancillary task, ken sabali pay a tallopulo ket siam a form para kadagiti teaching-related assignment.
Naituding ti panangiruar ti DepEd iti pormal a department order tapno maipatungpal tib aro a guidelines a buyogan ti nationwide orientation sessions tapno masigurado ti naannayas a pannakaipatungpalna iti school level.
Tapno mayestablisar ti naannayas a reporting system kadagiti mangisursuro, inkari ti DepEd a mangbukelda iti data management framework a mangituding iti standard parameters para iti data collection kadagiti amin a pagadalan.
