Nangiruar ti Department of Education (DepEd) dagiti pagannurotan tapno masigurado ti kinatalged dagiti agad-adal ken mangisursuro, ken mapagtalinaed ti panagtultuloy ti panagadal kalpasan ti Super Typhoon Pepito.
Dagiti pagannurotan a linaun iti Department Memorandum 64, ket ipangpangrunada ti pagsayaatan dagiti estudiante ken staff.
Mabilin pay dagiti pagadalan a mang-assess iti epekto ti bagyo ken mangipatungpal iti localized suspensions ti in-person classes no kasapulan.
Malaksid dayta, insingasing ti DepEd ti panangipatungpal kadagiti Alternative Delivery Modes (ADMs), kas iti modular distance learning ken online distance learning.
Mairekomendar met ti Dynamic Learning Program para kadagiti agad-adal a saan a makasubli iti pagadalan gapu iti damage wenno safety concerns.
Naallukoy pay dagiti pagadalan nga agusar kadagiti community learning spaces no mabalin, tapno mapasayaat ti panagisuro kadagiti natalged a lugar.
Inyunay-unay pay ti DepEd a kasapulan a masukatan dagiti nadadael a learning resources, furniture, ken computer packages, kasta pay ti clean-up operations, minor repairs, emergency school feeding, ken temporary water, sanitation, and hygiene (WASH) facilities.
