192 laeng kadagiti 6,379 a target classrooms ti binangon ti Department of Education idi 2023, maibasar iti audit report ti Commission on Audit.
Ti report ti Commission on Audit a 7,550 a classrooms ti target nga i-repair ti DepEd, ngem 208 laeng a classroom ti nalpas, idinto ta 2,135 pay laeng ti masimsimpa, ken 5,207 ti saan pay a napo-procure.
Nakita pay ti Commission on Audit ti delayed a pannakaited ti 580,394 a furniture wenno school seats, a nakaituding a ma-ideliver idi May agingga July 2023 ngem idi Disiembre 2023 laeng a nakompleto dagiti kontrata.
Segun ti COA, masapul nga agtignay ti ahensia tapno tamingen dagiti isyu ken pakaseknan a manglapped iti pannakaipatungpal dagiti proyekto tapno matungpal dagiti kasayaatan a resulta ken benepisio kadagiti nakompleto a proyekto.
Impasigurado met ni Education Sec. Sonny Angara a sungbatan ken simpaenda dagiti isyu.
