--Ads--
Nagpanawagan ti Department of Education kadagiti local government unit nga agannad iti panagdesision iti suspension ti klase.
Segun iti DepEd, masapul a panunoten ti panangpatalinaed iti kinatalged ti publiko kagiddan ti agtultuloy a panagadal dagiti estudiante.
Patien ni DepEd Chief Media Relations Officer Dennis Legaspi a ti napaot a suspension ket posible a makataktak iti pannakasursuro dagiti estudiante isu a maallukoy dagiti LGU a pagdesisionanda a nasayaat ti class suspension.
Makikammayet ti DepEd kadagiti Schools Division Offices tapno masigurado ti alternative learning delivery modes para kadagiti naapektaran nga agad-adal.
-- ADVERTISEMENT --
