Inyusuat ti Department of Education (DepEd) ti baro a plataporma tapno mapasayaat ti panagireport ti corruption wenno irregularities iti bidding ken procurement processes.
Nangaramid ti ahensia iti email portal, para iti publiko a pangipatulodanda kadagiti confidential reports.
Mabalin met nga ireport dagiti indibidual ti aniaman a mapagduaduaan nga aktibidad kadagiti pannakabagi ti linteg kas iti Philippine National Police ken National Bureau of Investigation.
Inyunay-unay ni Education Secretary Sonny Angara ti transparency, competitiveness, ken accountability iti amin nga bidding activities, ken impalagipna kadagiti opisial a nainget a tungpalenda ti Government Procurement Reform Act.
Binallaaganna pay dagiti agkamali a bidders, supplier, ken contractor a maipasango iti blacklisting proceedings.
Ti pannakairuar ti plataporma ken pannakairuar ti Memorandum 61 ket paset ti panagkumit ti DepEd a mangisigurado iti transparent ken accountable procurement processes.
