Makikaysa ti Department of Education iti Office of the Ombudsman iti imbestigasyon ken panangipila kadagiti kaso a graft, falsification, ken perjury kontra ken ni dati nga Education Secretary Leonor Briones, dati a Budget Usec Christopher Lao, ken dadduma pay a dati nga opisial ti DepEd.
Ti kaso ket adda pakainaiganna iti P2.4 billion a laptop procurement idi 2020 para iti distance learning iti baet ti pandemia.
Segun iti Commission on Audit, nanginay unay ti laptop a P58,300 ti kada maysa, ngem nababa tik alidad ken daan ti Celeron processor-na.
Impaganetget ti Ombudsman a dagiti bidding adjustment kas ti panangkissay iti bilang dagiti unit ngem ngimmina ti presyo ti kada maysa ti nangitunda iti overpricing ken dakkel a pukaw ti gobierno.
Awanen iti serbisyo dagiti karaman nga opisial ngem nakasagana ti DepEd nga ipaay ti amin a kasapulan a dokumento ken tulong para iti patas ken nadaras a resolusyon ti kaso.
