Nagpanawagan ti Department of Education iti community partner-da nga ingetan ti seguridad kadagiti pagadalan kasaruno ti shooting incident iti maysa a pagadalan idiay Barangay Rizal, Santa Rosa, Nueva Ecija a nakadunoran dagiti dua nga estudiante.
Takderan ti DepEd ti karida a salwadan ti kasasaad ti kada estudiante, mangisursuro, ken school personnel ken kayatda nga agbalin a Sagrado dagiti pagadalan tapno agbalin a natalged ti amin.
Segun iti DepEd, saan a kaawat-awat ti ania man a kinaranggas nangruna no napasamak daytoy iti uneg ti mismo a pagadalan.
Dinayaw met ti DepEd Central Office ti napaspas a panagresponde ti Schools Division Office ti Nueva Ecija tapno maimbestigaran ti krimen.
Iti agdama, kritikal ti kasasaad ti biktima nga agtawen iti sangapulo ket lima a babai kalpasan a pinaltugan ti dati a nobiona nga agtawen iti sangapulo ket walo.
