Inallukoy ti transport group ti Department of Education ken Technical Education and Skills Development Authority nga iraman ti road safety literacy iti curriculum-da tapno tumulong a mangpasayaat iti public discipline ken edukasyon iti traffic rules.
Segun ken ni Leonard Bautista, executive vice president ti Liga ng Transportasyon at Operators ng Pilpinas, nasken a surwan ti publiko, saan laeng a dagiti motorista mainaig iti road sign ken safety measures.
Idi Marso, idurduron ti Department of Health ti panangamyendar iti pagannurotan nga adda pakainaiganna iti road safety iti panangidatag kadagiti concern iti umad-adu a bilang dagiti matmatay ken madundunor gapu iti road accident.
Karaman ditoy ti panangituding iti speed limits kadagiti dadduma a kalsada, panangikabil iti anti-lock braking system kadagiti motorsiklo, ken panangipatungpal ti epektibo nga engineering design para iti public utility vehicles.
