DepEd ken 79 nga LGU, agtitinnulong iti panagpatakder iti 2, 632 a classroom iti pagilian

Rinugianen ti pitopulo ket siam a Local Government Units (LGUs) ti procurement process para iti pagpatakder ti 2,632 a classroom iti nasurok 600 a pagadalan iti pagilian kas paset iti pannakitinnulong iti Department of Education wenno DepEd.

Segun ken ni Deped Secretary Sonny Angara, dayta ti addang ti departamento kas tignay iti pagkurangan ti classroom kadagiti pagadalan.

Aggatad met iti P9.3 billion ti nasao a proyekto nga agserbi nga investment para iti dekalidad, natalged ken pakairanudan a classroom para kadagiti estudyante.

Aramaten ti departamento ti baro a kaidadatag a joint Project Implementation and Construction Committee, tapno bantayan ti tunggal sentimo iti pondo a mailatang iti proyekto.