Impasigurado ti Department of Education nga ipaayda ti kasapulan a suporta ken tulong kadagiti apektado iti pammaltog iti maysa a pribado a pagadalan idiay Zamboanga City.
Kasaruno daytoy ti napasamak a pammaltog ti maysa a mapapati a grade 7 student iti uneg ti Ateneo de Zamboanga University.
Makikamkammayet ti DepEd kadagiti mental health partner tapno makaited iti psychological first aid ken dadduma pay a psychosocial support kadagiti naapektaran.
Kagiddan dayta, nagpanawagan ti DepEd iti publiko a liklikanda ti agiwaras iti saan a beripikado nga impormasion mainaig iti pasamak.
Kiniddaw pay ti ahensia a saanda a mangibingay iti sensitibo a ladawan, video, ken dadduma pay a detalye mainaig iti pasamak nangruna ta menor de edad dagiti karaman.
