Imbilin ti Department of Education (DepEd) ti naing-inget a pagannurotan iti pagadalan para iti safety measures ken maiyetnag ti violence prevention policies tapno salakniban dagiti agad-adal ken mapagtalinaed a natalged ti learning environment iti intero a pagilian.
Ti bilin ket kasaruno ti insidente a napasamak maipanggep ti school security.
Iti memorandum a napetsaan idi August 8, binilin ni Education Secretary Sonny Angara amin a regional offices, schools division offices ken basic education institutions nga iyetnag ti protocols a gagem a maliklikan ti kinaranggas, bullying ken dadduma pay a pangta ti learner safety.
Mayataday ti bilin iti DepEd Order No. 40 series of 2012 wenno Child Protection Policy a mangiparit iti aniaman a kinaranggas, panagabuso ken exploitation kasta payen ti panagikot iti deadly weapons, illegal drugs, arak, toxic substances, ken pornographic materials iti masakupan ti pagadalan.
Impaganetget pay ni Angara ti DepEd Order No.007 series of 2024 wenno ti Policy Guidelines wenno ti Implementation of the Revised School-Based Management System a mangipaganetget ti shared responsibility iti school community tapno masigurado ti natalged, inclusive, resilient ken learner-centered environments.
