Im-imbestigaran ti Department of Education ti mapapati a kaso ti child abuse kalpasan ti pannakakemmeg ti maysa a mangisursuro idiay Manila a napabasul gapu iti panangpilitna iti estudiante a mangan iti sipet.
Impaganetget ti DepEd ti nainget a zero-tolerance policy iti ania man a klase ti kinaranggas ken panagabuso kadagiti agad-adal.
Dagus a nangipatungpal iti addang ti Schools Division Office ti Manila tapno masalwadan ti ubbing, agraman ti class adjustments, psychosocial support ken agtultuloy a monitoring.
Naaramid pay ti agsina nga imbestigasion mainaig iti kinatalged ken karbengan dagiti amin a karaman.
Maibasar iti kapulisan, napasamak ti insidente idi October 25, 2025 iti uneg ti pagadalan.
Nangipila iti reklamo ti estudiante a lalaki idi Nobiembre, isu a nakasoan ti mangisursuro ngem nagpiansa iti P120,000.
