Ikonkonsiderar ti Department of Education ti nayon a sueldo para kadagiti guidance counselor tapno makaallukoy kadagiti master’s degree holder iti baet ti kinakurang dagiti kameng kadagiti pampubliko a pagadalan.
Segun ken ni Education Secretary Sonny Angara, kapatang ti DepEd ti Department of Budget and Management tapno i-adjust ti entry-level pay dagiti guidance counselor manipud Salary Grade 11 wenno PHP28,512 agingga Salary Grade 13 wenno PHP32,870.
Bigbigen ni Angara ti kinababa ti sueldoda isu a kayatda a mare-classify ti posisyon ket agkiddawda iti pammalubos iti DBM a pagbalinen a Salary Grade 13 ti dati a Salary Grade 11.
Sagudayen ti Republic Act No 9258 wenno Guidance and Counseling Act of 2004 a ti maysa nga aplikante ket masapul nga adda iggemna a master’s degree iti guidance and counselling tapno agbalin a kwalipikado para iti licensure examination.
