Binilin ti Department of Education dagiti amin a regional ken division offices nga agipasa iti detalyado a report kadagiti saan pay a nakompleto wenno dagiti ‘ghost building’.
Dayta ket para iti accountability kadagiti infrastructure project ken tapno masigurado ti natalged a klasrum para kadagiti agad-adal.
Iti memorandum a napetsaan iti September 12, 2025, pinalagipan ni Assistant Secretary for Human Resource and Organizational Development ken Education Facilities Division Aurelio Paulo Bartolome dagiti field office no ania ti pagrebbenganda tapnon maital-o ti transparency, kasaruno ti pannakaduktal kadagiti iregularidad iti pannakaipatakder dagiti pagadalan.
Dagiti regional director, school division superintendent, district supervisor, ken DepEd engineers ti nabilin a mangkita ken mangireport kadagiti anomalya kas iti nabayag a pannakaipasardeng ti construction, saan a kompleto a delivery, wenno structural defects.
