Adalen ti Department of Education ti programa iti comprehensive sexuality education, uray dagiti rules ken guidelines na gapu iti amak dagiti dadduma a conservative personalities ken dagiti grupo iti linaon ti probisyon a mangisuro kadagiti saan a nakaay-ayo para kadagiti ubbing.
Segun ken ni Education Secretary Sonny Angara, daytoy ti sumaruno nga addangda kasaruno ti panagsinnukat iti kapanunotan da Senador Risa Hontiveros ken dati a Chief Justice Maria Lourdes Sereno, chairperson ti Public Policy Review Commission, maysa kadagiti grupo a madanagan iti CSE.
Impila ni Hontiveros ti Senate Bill No 1979 wenno ti Adolescent Pregnancy Prevention Bill.
Karaman kadagiti bersyon ti senado ken kamara ti CSE, nga ibagbaga ni Sereno a naglaon kadagiti probisyon inaig iti “early childhood masturbation.”
Kabayatanna, supoirtaran met ni Presidente Ferdinand Marcos Jr ti gakat ta patienna a napateg a maisuro kadagiti agtutubo ti pangta, epekto ken karit nga itunda ti early pregnancy.
