VIGAN CITY – Kinompirmar ti Department of Migrant Workers a limneden ti MV tutor nga isu ti mapapati nga ayan ti mapukpukaw a Pinoy seafarer kalpasan ti panagatakar ti Houthi rebels iti nasao a cargo ship
Segun kenni Migrant Workers Sec. Hans Leo Cacdac,naudi a nakita ti barko idi June 17 a naireport a limned iti eastern coast ti Eritrea, sakupen ti Red Sea.
Innayon ni Cacdac nga idi nagsubli ti salvage team idi June 18 tapno mangiyuswat ti search and salvaging operation ket saandan a mabirukan ti barko.
Adda payen ti nakitan nga oil leak iti isu metlaeng a patta-patta a lokasyon a nakalnedan ti vessel isunga agur-uray pay laeng ti ahensya inaig iti posible a pannakatuloy a panangbirok iti kailian basar iti development kadagiti sumar-saruno nga aldaw.
Inaig dayta, inpasigurado ni Cacdac nga agtultuloy ti panangipaay ti tulong ti ahensya iti pamilya ti mapukpukaw a pinoy seafarer.
