Department of Migrant Workers, impasiguradoda a natalged dagiti Pilipino idiay Bangladesh iti baet ti riribuk

Impasigurado ti Department of Migrant Workers a natalged dagiti Pilipino idiay Bangladesh iti baet ti agtultuloy a rinnupak iti nasao a pagilian.

Segun ken ni Migrant Workers Secretary Hans Cacdac, natalged dagiti pito gasut a Pilipino a ti dadduma kadakuada ket adda iti hotel sector.

Maipalagip nga imbayog ti Department of Foreign Affairs ti Bangladesh iti Crisis Alert Level 1 (Precautionary Phase) kalpasan ti naudi a political demonstration ken civil unrest.

Innayon ni Cacdac a nainget ti pannakikinnammayetda iti DMW iti Philippine Embassy idiay Bangladesh.

Awan pay kadagiti Pilipino idiay Bangladesh ti kayatna ti agawid ditoy pagilian.